2/9/2008 - Ne prag te shpalljes se Pavaresise se Kosoves

Fundjavë e rëndësishme para shpalljes së pavarësisë së Kosovës, thotë kryeministri Thaçi   “Fundjava që po kalojmë është shumë e rëndësishme sepse është një fundjavë e rëndësishme para shpalljes së pavarësisë së Kosovës”, tha kryeministri i Kosovës Hashim Thaçi pas takimit që pati me shoqatat e dala nga lufta. Ai tha se janë bërë të gjitha përgatitjet për njohjen e pavarësisë nga 100 shtete dhe se festimi do të bëhet në mënyrë dinjitoze, demokratike dhe tolerante për të gjithë qytetarët e Kosovës.

Kryeministri Hashim Hashim Thaçi priti sot përfaqësuesit e Shoqatave të dala nga lufta e UÇCK-së. Temë e bisedimeve ishin përgatitjet që janë bërë për shpalljen e pavarësisë së Kosovës. Kryeministri Thaçi pas takimit u shpreh se vikendi që po kalojmë është një vikend i rëndësishëm para shpalljes së pavarësisë së Kosovës. Ai tha se të gjitha institucionet vendore dhe ndërkombëtare janë tashmë të njoftuar për datën e shpalljes së pavarësisë, mirëpo ai këtë datë nuk e bëri publike. Thaçi gjithashtu ka konfirmuar se pavarësinë e Kosovës do ta njohin 100 shtete. Ndërkohë që janë bërë të gjitha përgatitjet për një festim dinjitoz, demokratik, dhe tolerantë të pavarësisë në mënyrë që botës t’i tregohet se Kosova është një shtet demokratik. Kryetari i Shoqatës së Veteranëve të UCK-ës Faik Fazliu tha se shoqatat e dala nga lufta janë gjithmonë në gatishmëri që të kontribuojnë për stabilitetin e situatës në Kosovë. Porosia nga ky takim ishte se nuk duhet të ketë panik për ndonjë eskalim të situatës sepse pavarësia e Kosovës është meritë e 2 milion kosovarëve.

2/11/2008 - Untitled Comment

2/11/2008 - Untitled Comment

2/21/2008 - drina